HOME लातूर न्यूज

आरटीओच्या परवानगीने बसस्थानकात काळी पिवळीची वाहतूक

प्रवाशांची अडचण होऊ देऊ नका, त्यांच्या प्रवासाची व्यवस्था करा, सरकारचे आदेश

लातूर: काल मध्यरात्रीपासून एसटी कर्मचार्‍यांनी संप सुरु केला. पगारवाढीसाठीसाठी सुरु झालेला हा संप उत्स्फूर्त आहे असं सांगत कुठल्याही संघटनेनं याची जबाबदारी घेतली नाही. दरम्यान या संपावर मात करण्यासाठी सरकारने जमेल त्या वाहनाने प्रवाशांना इच्छित स्थळी पाठवा असा आदेश काढला. त्यानुसार लातुरच्या आरटीओंनी काळ्या पिवळ्या गाड्या चक्क बसस्थानकात बोलावल्या आणि प्रवाशांची सोय केली. जी अवैध प्रवासी वाहतूक एसटीची डोकेदुखी बनली आहे त्याच वाहनांना बोलाऊन आरटीओंनी एसटी कर्मचार्‍यांच्या संपावर मात करण्याचा प्रयत्न केला. आज संध्याकाळी लातुरच्या बसस्थानकात या काळ्या पिवळ्या जीप प्रवाशांना घेऊन जात होत्या!