HOME लातूर न्यूज

श्री सिध्देश्वर मंदिरात अमित देशमुख यांच्या हस्ते महाआरती

उपस्थित भाविकांना श्रावण मासाच्या शुभेच्छा

लातूर: लातूरचे ग्रामदैवत श्री सिध्देश्वर व रत्नेश्वर मंदिरात श्रावण मास निमित्त रविवारी माजी राज्यमंत्री आमदार अमित विलासराव देशमुख यांच्या हस्ते महाआरती करण्यात आली.
श्रावण मास (महिना) हा महत्वाचा व पवित्र महिना समजला जातो. या महिन्यात अनेक सण येत असल्यामुळे याचे विशेष महत्व आहे. श्रावण मास निमित्त लातूरचे ग्रामदैवत श्री सिध्देश्वर व रत्नेश्वर मंदिरात लातूरकर मनोभावे पूजा करतात. माजी राज्यमंत्री आमदार अमित विलासराव देशमुख यांनी रविवारी ग्रामदैवत श्री सिध्देश्वर व रत्नेश्वर देवालय येथे जावून महाआरती केली. महाआरती नंतर त्यांनी उपस्थित भाविकांना श्रावण मासाच्या शुभेच्छा दिल्या.
याप्रसंगी देवस्थान समितीचे अध्यक्ष विक्रम गोजमगुंडे, बाजार समिती सभापती ललितभाई शहा, माजी जिल्हा परिषद अध्यक्ष संतोष देशमुख, लातूर मनपा विरोधी पक्ष नेते दिपक सूळ, नगरसेवक विक्रांत गोजमगुंडे, कैलास कांबळे, नरेंद्र अग्रवाल, रमेश बिसेन, गोरोबा लोखंडे, व्यंकटेश पुरी, देवस्थान समितीचे सदस्य, भाविक मोठ्या संख्येने उपस्थित होते.