HOME लातूर न्यूज

नाट्य संकुलास श्रीराम गोजमगुंडे यांचे नाव

लातूर मनपा सभेत झाला ठराव

लातूर : महानगर पालिकेच्या वतीने बांधण्यात येणार्‍या नाटय संकूलास सिने अभिनेते आणि नटवर्य श्रीराम गोजमगुंडे यांचे नाव देण्याचा ठराव संमत करण्यात आला. मनपाच्या सर्व साधारण सभेत नियोजित नाट्यसंकुलास गोजमगुंडे यांचे नाव द्यावे असा ठराव नगरसेवक राजा मणियार यांनी मांडला. श्रीराम गोजमगुंडे यांचे कला क्षेत्रातील अलौकिक योगदान लक्षात घेऊन त्यांचे नाव संकुलास देण्याबाबत आग्रह धरण्यात आला. रविशंकर जाधव, कैलास कांबळे, दीपक सूळ, चाँदपाशा घावटी, आयूब मनियार, सपना किसवे, पूजा पंचाक्षरी, यूनुस मोमीन, इम्रान सय्यद, सचिन बंडापल्ले, उषा भडीकर, वर्षा मस्के, योजना कामेगावकर, विजय साबदे, गौरव काथवटे यांनी ठरावाच्या बाजूने संमती दर्शविली. भूमिपुत्राचा गौरव झाला पाहिजे असे मत अशोक गोविंदपूरकर यांनी मांडले. श्रीराम गोजमगुंडे यांच्या श्रध्दांजली सभेत खासदार डॉ. सुनील गायकवाड यांनी याबाबत पुढाकार घेणार असल्याचे जाहीर केले होते. ठरावा नंतर ‍विक्रांत गोजमगुंडे यांनी महापौर, उपमहापौर व सदस्यांचे आभार मानले