HOME लातूर न्यूज

नवधर्मांतरीत उपासकांचा सत्कार संपन्न

'बुद्ध आणि त्यांचा धम्म' या ग्रंथाच्या प्रती भेट

लातूर: भालचंद्र ब्लड बँक हॉल लातूर येथे नुकतीच धम्मदिक्षा घेतलेल्या सुभाष सुर्यवंशी, बालाजी पोतवळे, मंगलताई कांबळे, शारदाताई-राजेंद्र हजारे, पुजाताई गायकवाड गायकवाड आदी उपासकांचा प्रतिनिधीक स्वरूपात हृद्य सत्कार, लातूर जिल्हा राजगृहकडे चला समन्वय समीतीच्यावतीने करण्यात आला.
या सत्कार सोहळ्याचे अध्यक्ष प्रा. युवराज धसवाडीकर होते. सत्कारमूर्तींनी सरकारास दिलेल्या उत्तरानंतर, प्रमुख वक्ते प्रा. बापू गायकवाड यांनी सविस्तर मार्गदर्शन केले. यावेळी परभणीहून आलेले विलास साळवे यांनी सत्कारमूर्तींना, डॉ बाबासाहेब आंबेडकर लिखित 'बुद्ध आणि त्यांचा धम्म' या ग्रंथाच्या प्रती भेट देऊन मनोगत व्यक्त केले. अध्यक्षीय समारोपानंतर डॉ दुष्यंत कटारे यांनी उपस्थितांचे आभार व्यक्त केले. कार्यक्रमाचे प्रास्ताविक डी एस नरसिंगे तर सूत्रसंचालन प्रा. प्रशांत उघाडे यांनी केले. या कार्यक्रमास राजाराम साबळे, विलास आल्टे, सुनील मांदळे, चंद्रकांत ठाकरे, अ‍ॅड. अभय सोनवणे, अश्विन धसवाडीकर आदींची विशेष उपस्थिती होती. कार्यक्रम यशस्वी करण्यासाठी भिमराव चौदंते, मारुती गायकवाड, डी डी सूर्यवंशी, पप्पूजी कांबळे, राम कोरडे, संतोष गवळी, अक्षय शृंगारे, दिलीप कांबळे, कबीर मस्के, विनोद कांबळे, दीपक तलवारे आदींनी कष्ट घेतले.