HOME लातूर न्यूज

कोळप्यावळ अपघात ०७ ठार, १३ जण जखमी

जखमी लातुरच्या वैद्यकीय महाविद्यालयाच्या रुग्णालयात दाखल

लातूर: लातूर नांदेड मार्गावर आज झालेल्या अपघातात ०७ जण जागीच ठार तर १३ जण जखमी झाले आहेत. जखमींना लातुरच्या वैद्यकीय महाविद्यालयाच्या रुग्णालयात दाखल करण्यात आले आहे. हा अपघात आज पहाटे चार वाजण्याच्या सुमारास घडला. अहमदपूर आणि लातूर रोडवरील प्रवाशांना घेऊन येणारी क्रुजर थांबलेल्या टेंपोला ओव्हरटेक करुन जात असताना समोरुन येणारी क्रुजर धडकली यामुळे हा अपघात झाला. या अपघातात लातूररोडहून आलेल्या क्रुजर वाहनाचे वरील छत पूर्ण फाटले व वाहनाचा चक्काचूर झाला. जखमींना रुग्णालयात पाठवून पोलिसांनी दोनी जीप विवेकानंद पोलिस ठाण्याच्या आवारात आणून लावल्या आहेत. अलीकडेच चलबुर्गाजवळही असाच भीषण अपघात झाला होता. यामुळे रस्ता सुरक्षेबद्दल काळजी व्यक्त केली जात आहे. मृतांमध्ये विजय पांडे नाशिक, दत्तू शिंदे नांदेड, शुभम शिंदे अहमदनगर, उमाकांत कासले, मीना कासले, तुकाराम दळवे लातूर, मनोज शिंदे लातूर यांचा समावेश आहे. जखमींमध्ये लातूर, नांदेड, नाशिक, अहमदनगर जिल्ह्यातील प्रवाशांचा समावेश असल्याचे समजते.