HOME लातूर न्यूज

लातूर लोकसभेसाठी विनोद खटके यांचा अर्ज

काँग्रेसकडे मागितली उमेदवारी

लातूर : लोकसभा निवडणूक लढविण्यासाठी युवा नेते विनोद खटके यांनी काँग्रेसकडे अर्ज सादर केला आहे. आतापर्यंत केलेली समाज उपयोगी कामे आणि कार्यकर्त्यांच्या आग्रहामुळे आपण मागणी अर्ज केला असल्याचे ते म्हणाले. लोकसभा निवडणूक अवघ्या काही दिवसांवर आली आहे. यासाठी राजकीय पक्षांनी तयारी सुरू केली आहे. काँग्रेस पक्षाने पक्षांतर्गत उमेदवारी अर्ज मागवले आहेत. या प्रक्रियेत सहभागी होत खटके यांनी काँग्रेसचे शहर जिल्हाध्यक्ष मोईज शेख यांच्याकडे अर्ज सादर केला.
सामाजिक कार्य करताना विनोद खटके यांनी आपले वेगळेपण जपले आहे. विविध उपक्रम त्यांनी आतापर्यंत राबवले आहेत. गरजूना मदत करण्यात ते अग्रभागी असतात. नागरीकांच्या समस्या सोडविण्यासाठी त्यांचा सक्रिय सहभाग असतो. गोरगरीब नागरिकांना मदत करण्याच्या भावनेतूनच, त्यांनी सामूहिक विवाह सोहळे आयोजित करतात. बेरोजगार युवकांना रोजगार देण्यासाठी त्यांनी नुकताच मेळावाही घेतला होता. या सामाजिक कार्याच्या पाठबळावरच खटके यांनी काँग्रेस पक्षाकडे उमेदवारी मागितली आहे. पक्षाच्या धोरणानुसार आपल्या मागणीचा योग्य विचार होईल असेही खटके म्हणाले.