HOME लातूर न्यूज

एसटीचे कर्मचारी आता नव्या गणवेषात!

बळवंतराव जाधव, संतोष सोमवंशी यांनी केलं वाटप

लातूर: राज्यभरातील एसटी कर्मचार्‍यांचे गणवेश बदलले आहेत. विविध प्रवर्गातील कर्मचार्‍यांसाठी वेगवेगळ्या रंगाचे गणवेश निवडण्यात आले आहेत. लातूर परिवहन मंडळाच्या विभागीय कार्यशाळेत या कर्मचार्‍यांना शिवसेना सहसंपर्क प्रमुख अॅड. बळवंतराव जाधव, शिवसेना जिल्हा प्रमुख संतोष सोमवंशी, मनपा सभागृह नेते अॅड. शैलेश गोजमगुंडे, पत्रकार हरीराम कुलकर्णी, शिवसेना जिल्हा प्रमुख नामदेव चाळक यांच्या हस्ते गणवेशांचं वितरण करण्यात आलं. कार्यक्रमाचं अध्यक्षस्थान लातूर विभागाचे नियंत्रक सचिन क्षिरसागर यांनी भूषवलं होतं. यावेळी यंत्र अभियंता (चालन) कालीदास लांडगे उपस्थित होते. लातूर जिल्हयातील प्राथमिक स्वरुपात महामंडळात कार्यरत असलेल्या चालक, वाहक, यांत्रिक, सेवक, तसेच पर्यवेक्षकीय कर्मचार्‍यांना संवर्गा प्रमाणे गणवेष वाटप करण्यात आले. यावेळी दर्पणकार बाळशास्त्री जांभेकर यांच्या प्रतिमेचे पुजन करण्यात आले.
या प्रसंगी नगरसेवक शैलेष गोजमगुंडे, संतोष सोमवंशी, विभाग नियंत्रक सचिन क्षिरसागर यांची भाषणे झाली. यावेळी यंत्र अभियंता कालीदास लांडगे, संजय वाकुडे, शंकर सोनवणे व सर्व आगारातील आगार प्रमुख व विविध संघटनांचे प्रतिनिधी, अधिकारी-कर्मचारी उपस्थित होते.