HOME लातूर न्यूज

मॉर्निंग वॉक करणार्‍या दोघांना उडवलं, एक ठार एक गंभीर

लातुरच्या तहसीलजवळचा सकाळचा प्रकार, धडकणारे वाहन अज्ञात, कारवाई सुरु

लातूर: आज सकाळी सव्वा सहा वाजण्याच्या सुमारास एका अज्ञात वाहनाने धडक दिल्याने एकजण जागीच दगावला तर दुसर्‍यावर विवेकानंद रुग्णालयात उपचार सुरु आहेत. बन्सीलाल भराडिया (गीता इलेक्ट्रीकल्स) आणि हरिप्रसाद भराडिया (विवेक बुक स्टॉल) हे दोघेजण नेहमीप्रमाणे मॉर्निंग वॉकला होते. परतताना लातूर तहसील कार्यालयाजवळ या दोघांनाही अज्ञात वाहनाने उडवले, ते वाहन तसेच भरधाव निघून गेले. या अपघातात बन्सीलाल भराडिया जागीच ठार झाले तर गंभीर जखमी झालेल्या हरिप्रसाद भराडिया यांच्यावर विवेकानंद रुग्णालयात उपचार सुरु आहेत. या प्रकरणी पोलिसांनी पंचनामा केला. बन्सीलाल भराडिया यांचे शव विच्छेदनही झाले. संध्याकाळी पाच वाजता त्यांच्या नावंदर गल्ली येथील निवासस्थानातून अंतयात्रा निघेल. मारवाडी स्मशानभूमी येथे त्यांच्यावर अंत्यसंस्कार केले जातील.