HOME लातूर न्यूज

पंकजाताई मुंडे, संभाजीराव पाटील यांच्या उपस्थितीत भाजपाचा मेळावा

विविध विकास कामाचे लोकार्पण व भुमीपूजन होणार – रमेशअप्पा कराड

लातूर: लातूर ग्रामीण विधानसभा मतदार संघातील विविध विकास कामांचा लोकार्पण आणि भुमीपूजन सोहळा ०७ जानेवारी २०१९ सोमवार रोजी राज्याच्या ग्रामविकास मंत्री पंकजातई मुंडे आणि जिल्ह्याचे पालकमंत्री संभाजीराव पाटील निलंगेकर यांच्या उपस्थितीत होणार असून या निमित्ताने भाजपा कार्यकर्त्यांचा भव्य मेळावा मौजे चिंचोली (ब.) ता. लातूर येथे आयोजित करण्यात आला आहे. राज्यात आणि देशात भाजपाची सत्ता आल्यानंतर लातूर ग्रामीण विधानसभा मतदार संघात अनेक विकासाची कामे मंजूर झाली आहेत. झालेल्या कामाचे लोकार्पण आणि होणार्‍या विविध कामाचे भुमीपूजन महाराष्ट्राच्या ग्रामविकास मंत्री ना. पंकजाताई मुंडे, जिल्ह्याचे पालकमंत्री ना. संभाजीराव पाटील निलंगेकर आणि लातूर ग्रामीण भाजपाचे नेते रमेशअप्पा कराड यांच्या प्रमुख उपस्थितीत ०७ जानेवारी सोमवार रोजी सायंकाळी ०५ वा. लातूर तालूक्यातील चिंचोली ब. येथे होणार आहे. या कार्यक्रमा बरोबरच मतदार संघातील भारतीय जनता पार्टीच्या कार्यकर्त्यांचा मेळावा आयोजित करण्यात आला आहे. या मेळाव्यास भारतीय जनता पार्टीचे प्रदेश सरचिटणीस आ. सुरजितसिंह ठाकूर, खा. सुनिल गायकवाड, प्रदेश भाजपाचे उपाध्यक्ष गोविंदआण्णा केंद्रे, राज्य कृषी मुल्य आयोगाचे अध्यक्ष पाशा पटेल, भाजपाचे जिल्हा अध्यक्ष नागनाथ निडवदे, विधान परिषदेचे सदस्य आ. सुरेश धस, आ. विनायकराव पाटील, आ. सुधाकर भालेराव, प्रदेश प्रवक्ते गणेश हाके, मा. मुख्यमंत्री यांचे स्वीय सहा. अभिमन्यु पवार, जिल्हा परिषदेचे अध्यक्ष मिलींद लातूरे, उपाध्यक्ष रामचंद्र तिरुके, लातूरचे महापौर सुरेश पवार, गंगाखेड शुगर मिल्सचे चेअरमन रत्नाकर गुट्टे, जि.प.चे बांधकाम सभापती प्रकाश देशमुख, समाज कल्याण सभापती संजय दोरवे, कृषी सभापती बजरंग जाधव, महिला व बालकल्याण सभापती संगीता घुले यांच्या सह भाजपाचे जिल्ह्यातील सर्व पसचे सभापती, नगराध्यक्ष , जिल्हा परिषदचे सदस्य, नगरसेवक यांच्यासह अनेक मान्यवर उपस्थित राहणार आहेत. विविध विकास कामाच्या भूमीपूजन व लोकार्पण सोहळ्याबरोबरच भाजपा कार्यकर्त्यांच्या मेळाव्यास हजारोंच्या संख्येने उपस्थित रहावे असे आवाहन लातूर ग्रामीण भाजपाच्या वतीने विधानसभा प्रमुख अनिल भिसे, लातूर तालुकाध्यक्ष विजय काळे, रेणापूर तालुकाध्यक्ष अ‍ॅड. दशरथ सरवदे यांच्या सह अनेकांनी केले आहे.