HOME लातूर न्यूज

टिप्परच्या धडकेने चौघे ठार, दोघे गंभीर

साखरा पाटीजवळ घडली घटना, चालकाला अटक

लातूर: शहरापसून २० किलोमीटरवर अंतरावर साखरा पाटीजवळ टिप्परने तीन मोटारसायकली चिरडल्या. यात चौघांचा मृत्यू झाला. दोघांची प्रकृती गंभीर असून त्यांच्यावर सर्वोपचार रुग्णालयात उपचार सुरु आहेत. काल एमएचक्यू ६८७७ हा टिप्पर रस्त्याच्या मधोमध वेगाने बार्शीच्या दिशेने धावत होता. अनियंत्रित टिप्परने तीन मोटारसायकलींना उडवले. या मोटाअसायकलीवरुन सहाजण जात होते. टिप्पर नंतर बाजुच्या शेतात जाऊन थांबला. टिप्परचालक बालाजी कदम याला पोलिसांनी ताब्यात घेतले आहे. मृतांमध्ये प्रदीप माळी, नागनाथ यलगटे, शंकर काळे आणी बुद्धघोष पालखे यांचा समावेश आहे. जालिंदर घुट आणि गोपाळ घुटे हे दोघेजण गंभीर जखमी झाले आहेत.