HOME लातूर न्यूज

आश्वासक पत्रकारिता पुरस्काराने सुशांत सांगवे सन्मानित

पत्रकार वरुणराज भिडे मित्र मंडळातर्फे पुरस्काराचे पुण्यात वितरण

लातूर: पत्रकारिता क्षेत्रात उल्लेखनिय काम करणाऱ्या पत्रकारांना 'पत्रकार वरुणराज भिडे मित्र मंडळा'तर्फे देण्यात येणारा मानाचा 'वरुणराज भिडे आश्वासक पत्रकारिता पुरस्कार' 'सकाळ'चे बातमीदार सुशांत सांगवे (लातूर) यांना प्रदान करण्यात आला. या पुरस्काराचे पुण्यात समारंभपूर्वक वितरण झाले. ज्येष्ठ संपादक-पत्रकार आणि सामाजिक कार्यकर्त्यांनी एकत्र येऊन पत्रकार वरुणराज भिडे मित्र मंडळ स्थापन केले आहे. या मंडळातर्फे वरुणराज भिडे यांच्या नावाने पुरस्कार दिला जातो. या वर्षीच्या 'वरुणराज भिडे आश्वासक पत्रकारिता पुरस्कारासाठी लातूरमधील 'सकाळ'चे पत्रकार सुशांत सांगवे यांची निवड करण्यात आली. सांगवे यांच्यासह पुण्यातील अद्वैत मेहता (न्यूज 18 लोकमत) आणि विनायक करमरकर (लोकसत्ता) यांना आश्वासक पत्रकारिता पुरस्कार तर, भिडे यांच्या नावाचा मुख्य पुरस्कार दिल्लीतील महाराष्ट्र टाईम्सचे वरिष्ठ सहाय्यक संपादक सुनील चावके यांना ज्येष्ठ कवी, गीतकार, वात्रटिकाकार रामदास फुटाणे, उद्योजक संजय मालपाणी यांच्या हस्ते प्रदान करण्यात आला. या वेळी माजी आमदार उल्हास पवार, पुण्याचे माजी महापौर अंकुश काकडे उपस्थित होते.