HOME लातूर न्यूज

शपथविधी सोहळ्याचा सामुहिक आनंद

नगरसेविका वर्षा कुलकर्णी यांनी उपलब्ध करुन दिली संधी

लातूर: लातूर शहरातील नंदी स्टॉप, औसा रोड परिसरात लातूर शहर मनपाच्या स्थायी समिती सदस्या सौ. वर्षा शिरीष कुलकर्णी यांनी शहरवासियांना पंतप्रधान नरेंद्र मोदी यांच्या शपथविधी सोहळ्याचा आनंदोत्सव सामुहिकरित्या साजरा करण्याची संधी उपलब्ध करून दिली. हजारोंच्या संख्येने नागरिकांनी हा सोहळा आपल्या डोळ्यांत साठवला. देशाच्या पंतप्रधान पदाची सूत्रे सलग दुसऱ्यांदा नरेंद्र मोदी यांनी गुरुवारी हाती घेतली. मोदी सरकारचा शपथविधी सोहळा सायंकाळी सात वाजता पार पडला. ह्या सोहळ्याचे विविध वृत्तवाहिन्यांवरुन थेट प्रक्षेपण करण्यात आले. हे ऐतिहासिक क्षण जास्तीत जास्त नागरिकांना पाहता, अनुभवता यावेत यासाठी नगरसेविका सौ. वर्षा कुलकर्णी यांच्यावतीने औसा रोडवरील नंदी स्टॉप परिसरात मोठ्या एलईडी स्क्रीनची सोय करून देण्यात आली होती. त्याचा आनंद हजारोंच्या संख्येने नागरिकांनी घेतला. यावेळी उपस्थितांना औसा रोड परिसरातील शरदराव कुलकर्णी यांच्या तर्फे साखर वाटप करण्यात आली. यावेळी नगरसेवक गुरुनाथ मगे, शिवदास मिटकरी, शिरीष कुलकर्णी, शरदराव कुलकर्णी, वल्लभ वावरे, धनंजय कुलकर्णी, विश्वास लातूरकर, जीवन साळुंके, अतुल कुलकर्णी, मनोज जोशी, संजय सुरवसे यांसह नागरिक मोठ्या संख्येने उपस्थित होते.