HOME लातूर न्यूज

फिनिक्स फाउंडेशनची पांडुरंग फुंडकर यांना आदरांजली

जिल्हाधिकारी, मुख्य कार्यकारी अधिकारीही उपस्थित

लातूर: राज्याचे दिवंगत कृषी मंत्री पांडुरंग फुंडकर यांना लोदगा येथील फिनिक्स फाउंडेशनच्या वतीने प्रथम पुण्यस्मरण दिनानिमित्त आदरांजली अर्पण करण्यात आली. पांडुरंग उर्फ भाऊसाहेब फुंडकर हे भाजपाचे वरिष्ठ नेते होते. विदर्भासह संपूर्ण महाराष्ट्रात भाजपा वाढविण्यासाठी त्यांनी अहोरात्र मेहनत घेतली. भाजपाला बहुजनाचा चेहरा दिला .शेतकऱ्यांच्या प्रश्नासंदर्भात पदयात्रा काढून जनजागृती केली. या नेत्याला लोदगा येथील फिनिक्स फाउंडेशनच्या वतीने आदरांजली अर्पण करण्यात आली. या कार्यक्रमास महाराष्ट्र राज्य कृषी मूल्य आयोगाचे अध्यक्ष पाशा पटेल, जिल्हाधिकारी जी श्रीकांत, जिल्हा परिषदेचे मुख्य कार्यकारी अधिकारी डॉ. विपीन इटनकर यांच्यासह फिनिक्स फाउंडेशनचे कर्मचारी तसेच विविध गावातून आलेले शेतकरी व विद्यार्थी उपस्थित होते.