HOME लातूर न्यूज

प्रभाग १७ मधील नागरिकांना मोफत पाणीपुरवठा

नगरसेवक बिराजदार व गायकवाड यांची संकल्पना!

लातूर : लातूर शहर मनपाचे प्रभाग १७ चे भाजपा नगरसेवक चंद्रकांत बिराजदार व स्विकृत सदस्य अनंत गायकवाड यांच्या संकल्पनेतून प्रभागातील नागरिकांसाठी मोफत पाणीपुरवठा सुरु करण्यात आला आहे. प्रभाग १७ मधील नागरिकांना उन्हाळ्यामुळे पाण्यासाठी भटकंती करावी लागू नये, त्यांना सहजगत्या पाणी उपलब्ध करून देण्याच्या उद्देशाने नगरसेवक चंद्रकांत बिराजदार व नगरसेवक अनंत गायकवाड यांच्या संकल्पनेतून राजमुद्रा नगर, गोपाळ नगर, शिवकृपा कॉलनी,एलआयसी कॉलनी तसेच परिसरातील नागरिकांना मोफत पाणीपुरवठा योजना सुरु करण्यात आली आहे. या पाणीपुरवठा संकल्पनेचे उद्घाटन नुकतेच मान्यवरांच्या उपस्थितीत करण्यात आले. त्यावेळी ज्येष्ठ पत्रकार रामेश्वर बद्दर, चंद्रकांत बिराजदार, अनंत गायकवाड, मनिष बंडेवार आदींची प्रमुख उपस्थिती होती. बिराजदार व गायकवाड यांच्या संकल्पनेतून सुरु करण्यात आलेल्या या पाणीपुरवठा योजनेचा प्रभागातील नागरिकांनी लाभ घ्यावा,असे आवाहन नगरसेवक बिराजदार, गायकवाड यांनी केले आहे.