HOME टॉप स्टोरी

असा चढला तिरंगा १५० फुटी खांबावर

पंतप्रधान म्हणतात, पाकिस्तानच्या एका गोळीला बॉंबने उत्तर- पालकमंत्री

लातूर: शिक्षणमंत्री विनोद तावडे यांच्या हस्ते आज क्रीडा संकुलात उभारण्यात आलेल्या १५० फुटी तिरंग्याचं अनावरण करण्यात आलं. पालकमंत्री संभाजीराव पाटील निलंगेकर, आ. विक्रम काळे यावेळी उपस्थित होते. विद्यार्थ्यांच्या विक्रमी उपस्थितीमुळे सगळे क्रीडा संकुलाचे मैदान भरुन गेले होते. उत्तम व्यवस्थेचं कौतुक पालकमंत्र्यांनी केलं. तिरंग्याचा हा लातूर पॅटर्न आपापल्या जिल्ह्यातही राबवा असं आवाहन आपण इतर पालकमंत्र्यांना करणार आहोत असे शिक्षणमंत्री विनोद तावडे यांनी सांगितले. नरेंद्र मोदी यांच्या रुपाने या देशाला पहिल्यांदाच निडर पंतप्रधान मिळाला. पाकिस्तानकडून एक गोळी आली तर त्याला बॉंबने उत्तर द्या, त्याच्या परवानगीसाठी दिल्लीशी संपर्क साधायची गरज नाही अशी माहिती पालकमंत्री संभाजीराव पाटील निलंगेकर यांनी दिली.