HOME व्हिडिओ न्यूज

चव्हाण कुटुंबाने स्विकारला अविनाशचा मृतदेह

विजय चौगुले यांची मध्यस्थी, एसपींनाही भेटले, तपासाबाबत समाधानी

लातूर: काल दिवसभर शवागारात पडून असलेला अविनाशचा मृतदेह आज चव्हाण कुटुंबियांनी स्विकारला. स्टेप बाय स्टेप या त्यांच्या शिकवणीच्या ठिकाणी काही काळ अंत्यदर्शनासाठी ठेवण्यात आला. पुढे तो अंत्यसंस्कारासाठी मार्गस्थ झाला. आरोपींना अटक करावी या मागणीसाठी काल दिवसभर आणि रात्रभर शवागारात ठेवणे भाग पडले. पोलिसांना राहुटी ठोकून मुक्काम करावा लागला आज. महाराष्ट्राचे वडार समाजाचे नेते आणि नवी नुंबई मनपाचे विरोधी पक्षनेते विजय चौगुले यांनी बैठक घेऊन जमलेल्या सगळ्यांची समज काढली. त्यांचं मन वळवलं. त्यनंतर त्यांनी जिल्हा पोलिस अधिक्षकांशी चर्चा केली. तपास योग्य दिशेने आणि गतीने चालू असल्याचे लक्षात आले. चौगुले यांनी समाधान व्यक्त केले. त्यानंतरच अविनाशचा मृतदेह रुग्णवाहिकेतून नेण्यात आला.