HOME व्हिडिओ न्यूज

यशवंतपुरची लगीनघाई, शेटजींचा फोटो आला की नाही?

कॅमेर्‍यात आलं म्हणून.......रवींद्र जगताप

काल यशवंतपूर रेल्वेगाडी एक वाजता आली. तीन वाजून दहा मिनिटांनी रवाना झाली. या गाडीसोबत आपलाही फोटो यावा यासाठी अनेकजण धडपडत होते. हे धडपडणे साहजिक आहे. लग्नात ज्याप्रमाणे कॅमेरा दिसला की अनेकजण माना उंचावतात तशीच स्थिती होती. पालकमंत्र्यांच्या जवळ आणि त्याच रांगेत सगळ्यांनाच जागा हवी होती. घुसाघुशी चालू होती. एक नगरसेवक मात्र आपल्या जागेवर ठाम उभे होते. अनेकांच्या हातात हिरवे झेंडे असल्यानं उदघाटक कोण असा प्रश्न नवख्या कॅमेरामनला पडावा अशी स्थिती होती. समोरच्या रांगेतले सगळेजण झेंडे हलवत होते पण गाडी काही निघत नव्हती. तेवढ्यात गाडीनं शिट्टी दिली. नगरसेवकाच्या झेंड्याच्या मागे तम्माचा कॅमेरा होता. मध्ये दोघे तिघे होते. नंतर शेटजी आणि बाकीचे होते. शिट्टी वाजल्याबरोबर शेटजी ओरडले एऽऽऽऽ घे खाली, तम्मा आला का फोटो?......शेटजीचं हे वागणं चुकीचं होतं असं नव्हे. एवढा आटापिटा करायचा अन नेमक्या वेळेला दुसर्‍यावरच कॅमेरा चमकायचा. याच्याएवढं दु:ख कोणतं असेल?